Sori! Ang Tagal ko nanamang hindi nakapagpost...

Ay sus! Pasensya na kung matagal na akong hindi nagpopost...Gusto ko sana magpost sa susunod ng mga drowing ko na may background! Sana makuha ko na iyong teknik ng worm's eye at bird's eye view para maiba naman at hindi boring tingnan ang gawa-gawa ko...Sige po! Punahin nyo na ang drowing ko ng matuto ang lintik kong utak!

Uy!!! Sori kung matagal na akong di nagpopost...

Huow!! Kay tagal ko na palang di nagpopost...Sori po sa mga fans ko!!! ESTE readers pala...Heto ang mga bago kong drowing! Kayo na ang humusga!!! Masarap makarinig ng puna para maimprove ko ang drowing ko...

Mga Abstract naman...Abstract nga ba itong mga ginawa ko? Mga pamagat: BURAOT at ARAY!!! MASAKIT IYON AH!!!

Heto ang mga ginawa kong abstract na isang peryodikal test namin sa art subject...Hindi ko alam kung abstract pa nga ba ang pagkakagawa ko sa mga ito. Ang pagkakaintindi ko kasi sa ibig sabihin ng abstract ay mahirap intindihin. Tama nga ba ito? Hay! Ang dami-dami kong ginawang drowing ngayong araw na ito paano'y may ilan akong kaklaseng nagpadrowing pa sa akin ng abstract pero masaya naman ako sapagkat masaya kong ginagawa ang ganitong uri ng sining...Nakakatawang isipin na kung anu-anong mga bagay ang tumambad sa aking isipan kagaya nitong mga ginawa kong kabalbalan este abstract pala!

At tulad ng mga dalubhasang alagad ng sining, (feeling!!!) naisipan kong bigyan ng pamagat ang dalawa kong likha...Ang nasa itaas ay pinamagatan kong "ARAY!!! MASAKIT IYON AH!!!" Pagmasdan niyong maigi...Nakikita niyo ba kung ano ang ginagawa nila? Hmmmmm? Alamiinnn!!!

Ang sumunod naman sa ibaba ay pinamagatan kong "BURAOT!" Ito'y base sa kaklase kong mahilig mamburaot kaya ko ito pinamagatang buraot...Ito rin ay bilang paghihiganti ko sa kanya...Mabait naman akong kaaway eh, kaya noong nalaman kong sinisiraan niya ako gamit ang dumadagundong niyang bunganga'y naisipan kong idaan ko na lang sa pagguhit upang siraan o lokohin siya sa iba...At iyan nga ang resulta ng ginawa ko! Isang kakaibang larawan ng sining kung saan ang mga tagyawat at ang hindi niya mapantay na balikat ang siyang naging basehan ko upang makapaghiganti sa mga katarantaduhan niya...Tingnan n'yo pa ang background, mapanpansing ang mga iyan ay mga nagmamatang PIGSAWAT (combined force ng pigsa at tigyawat) na siyang lalong nagpamalas ng pang-aasar at pagka-asar ko sa kanya...

Mayroon pa akong ginawang abstract na siya rin ang pinagbasehan ko...Ito'y pinamagatan ko namang "PIGSAWAT " kaso, hindi ko na nakuhanan pa. Sa ngayon, ang mga abstract na ito'y ipinasa ko na sa aking art titser at hihintayin ko na lang ang paglalagay niya ng mga ito sa aming bulletin board sa kampus...

Ang mga ginamit ko dito'y Mongol Pencil 2, Pentel Pen, Color Pencils at Crayons...

Iyon nga palang salita na pigsawat, nakuha ko lang iyon sa isa sa mga magagandang likha ni bob ong sa kanyang aklat na pinamagatang: "ABNKKBSNPLAko?! Mga kuwentong chalk ni bob ong" Napaka-Aztig talaga ng mga aklat niya!

Hay! Isang lumang drowing noong isang taon...Mga Maligno't Mamaw!!!

Wala pa rin akong maipost na bagong drowing sa blog ko ngayon kaya ito na lang ang naisip kong ipost...Ehem! Heto nga pala ang drowing ko noong isang taon! Iyan ay mga maligno mula sa ating Philippine Myth's or folklore man iyan. Hehe! Mababa pa noong panahong iyon ang kaalaman ko sa pagdagdag ng datalye. Dadagdagan ko nga sana ito ng datalye, kaso tinatamad na ako dahil kailangan ko pang tapusin iyong ginagawa kong mga karikatura para sa aming yearbook! (Makagraduate kaya ako?)

Hu!!! Mula pala sa itaas diyan sa kaliwa hanggang sa ibabang kaliwa (clockwise!): Ang taong kabayong Tikbalang, Ang Manananggal, Ang Kapre na mahilig magtabako, Ang Nuno sa Punso o Duwende, Bolang Apoy at isang lalaking Aswang...

Sabi daw ng iba lalo na iyong mga taga-probinya'y totoo daw ito. Naaalala ko pa nga iyong kuwento ng malandi naming katulong tungkol sa mga alagang duwende ng namatay na niyang ina at ang mga kuwento tungkol sa aswang ng mga kamag-anak ko sa Bikol...

Hehehe...Sa drowing kong ito'y parang hindi sila nakakatakot! Gagawa na lang ako ng mas pinatinding mga maligno sa susunod!

AHHHHHH!!!! MUUUMUUUUUUU!!!!

ED Cartoon ko: Hello GARCI??

Hay! Oo, lumang isyu na ito subalit hindi pa rin natatapos...Siguro napabayaan na ang pagsisinungaling ng kupal na ito eh! Heto nga pala ang isa sa mga ginawa ko noong training ko para sa contest...Sa mga hindi nakakaalam kung sino ang maliit na lalakeng may suot na salakot na madalas nating nakikita sa mga Ed Cartoons sa dyaryo, siya ay si Juan de la Cruz na simbolo ng Pilipinas...Katulad din sa states na si Uncle Sam naman!!!

Ang dami ko kasing kakilala na madalas magtanong kung sino si Juan de la Cruz eh!

Hu! Napakagulo na ng Pilipinas no?!

Medyo tinatamad akong magdrowing ngayong araw na 'to ah!

ED Cartoon ko: Brain Drain!!!

Ehem! Heto naman ang isa sa mga nagawa kong Editorial Cartoons noong nagsasanay ako para sa isang kumpetisyon sa Journalism sa Quezon City Science Hayskul...Napakarami naming mag-aaral mula sa iba't-ibang paaralan ang naglaban-laban dun dahil nasa Regional na ako noong mga oras na iyon...Siyempre, hindi ko na inisip pa na mananalo ako dahil sa dami ng aking mga katunggali lalo na iyong mga taga-public na pinaghusay talaga ng husto sa ganitong klase ng pinagsamang sining at pagpapahayag ng balita sa masa...Nitong 4th Year Hayskul ko lang talaga natutuhan ng husto ang tamang pagguhit ng Ed Cartoon. Akala n'yo ba madali lang ang paggawa ng Ed Cartoon? Mahirap!!! Gaya nga ng sabi ng huradong kartunista sa una kong laban doon sa Eusebio Hayskul dito sa Pasig ay kailangan mong pigain ng husto ang iyong isipan kung paano mo isisimbolo ang isang balita ngayon. Kahit natalo man ako sa una at ikalawang kumpetisyon ay masaya ako sapagkat marami akong natutuhan sa nasabing kumpetisyon...

Ngayo'y kayo na po ang humusga sa Ed Cartoon na ito!!!

Ikomento nyo po!

Ay! Kay tagal ko na palang hindi nakakapagpost!!!

Hay, grabe ang araw na ire! Kinansela ang pasukan ngayon sa lahat ng paaralan dahil sa anibersaryo ng Edsa 1 at sa nasabing Kudeta na mas naaaztigan pa akong tawagin itong Kupde-Etat!!! At bukas nga pala'y Foundation Day ng iskul ko, kung saan darating ang sikat na bandang Kamikazee na tatlong kanta lang daw ang aawitin. Ewan ko lang kung matutuloy pa ito...Ang tagal ko na palang hindi nakakapagpost! Whew!!! Heto nga pala ang bago ko nanamang kabalbalan este drowing pala! Walang iba kundi ang bayaning si Francisco Dagohoy! Ito'y sarili kong bersiyon ng pagkakaguhit sa mala-Komiks niyang hitsura dito...Isang Pilipinong Rebolusyonaryo noong panahon ng Kastila. Si Francisco Dagohoy ang namuno sa pinakamahabang pag-aalsa laban sa Kastila sa kasaysayan ng ating bansa. Biruin mong 85 taon (1744-1829) ang nasabing pag-aalsa!!! Si Dagohoy ay may napakahusay na blilis sa pakikidigma lalu na paggamit ng Arnis (Isang Uri ng Pakikipagtunggali) at sinasabing gumagamit siya ng Agimat o Anting-anting (Isang uri ng Kwintas o inukit na bato na nagtataglay ng kapangyarihan o lakas kapag ito'y ginamit). Nasip ko talagang idrowing si Dagohoy dahil isa siyang bayani at dahil sa kanyang mala-Komiks na kasaysayan...Naisip ko rin na gawan ko si Dagohoy ng sarili kong bersiyon kaya ganyan ang hitsura. Nais ko rin sanang idrowing iyong kakatwang Komikstrip na Dagohoy(sa Sunday Komiks ng Inquirer dati) na minsang ipinalabas sa Kapuso bilang isang Cartoons. Siyempre, mas karapat-dapat kong iguhit na matipuno ang hitsura ng nasabing Kenkoy na Dagohoy.

Sa mga hindi nakakaalam kung sino si Francisco Dagohoy ay magpunta kayo dito:

http://www.elaput.org/chrmdhoy.htm

http://www.deviantart.com/deviation/1747340/

Komento po!!!

I'm a Lastik Fan! Hehehe!

Simula noong nabasa ko ang bagong Lastikman Komiks at ng makita ko ang iba't ibang hitsura't pagkakagawa sa costume ni Lastikman ay talagang namangha ako. Naaaztigan ako sa kanyang bersyon sa komiks kaya ko madalas maisipang magdrowing ng ating aztig na tagapagtanggol. Hilig ko talaga ang komiks! Siyempre, dahil nais ko ring maging comic artist katulad ng mga iniidolo ko simula pa noong maliit pa ako. Noong maliit pa kasi ako'y mahilig na akong magdrowing at tumingin sa komiks kahit hindi pa ako marunong bumasa noong panahong iyon. Nahilig talaga ako sa pagdrowing dahil sa tito ko. Isa kasi siyang artist! Maraming nagpapadrowing sa kanya. Naaalala ko noong maliit pa ako na lagi siyang nagdodrowing sa tapat ng tindahan ng kapatid ng lola ko. Madalas siyang tinitingnan ng mga kalaro ko, tapos ako noon ay isang ksp na kukuha pa ng lapis at papel tapos ay makikigaya din sa iginuguhit ng tito ko. Ang kaibahan nga lang namin ay hindi nagdodrowing ng mala-komiks at cartoons ang tito ko. Ang madalas niyang iginuguhit ay mga portrait (madalas ay litrato ng bago nyang gf! Oops!) at nagpipinta din siya ng mga tanawin (Landscapes). Simula noon ay namulat na talaga ako sa sining ng pagguhit. Kaya naiinis ako sa mga sinasabi ng iba diyan na pinipigilan sila magdrowing ng mga magulang nila dahil ang sabi'y wala raw mapapala diyan! Ikaw, hayaan mo lang magdrowing ng magdrowing ang anak mo! Isipin n'yo talento iyon ng isang tao! Nagpapakita ng isang malikhaing Sining! Kungsabagay, hindi ko na dapat pansinin ang mga taong may maling pananaw sa Sining ng pagguhit!

Heto nga pala ang isa ko pang Lastikman Fanart. As usual, ang ginamit ko dito'y Lapis, Sign Pen at Pentel Pen. Anong masasabi nyo sa gawa ko dito? Comment naman kayo oh!

Dinagdagan ko ng shade!

Nais ko nga palang humingi ng tawad sa mga taong nasaktan ko ng labis ng dahil sa mga nagawa kong pagkakamali't kasalanan. Kung kinakailangan ko talagang lumuhod ay gagawin ko upang mapatawad niyo lang ako at hayaang malinis ang mga nagawang kasalanan at pagkakamali. Maraming salamat nga pala sa mga nagkokomento sa mga ipinapakita kong likha dito. Gayunpaman, masaya akong nagkakaroon ako ng maraming kaibigan dito. Marami-rami na rin akong natutuhan para sa aking sarili.

Heto nga pala ang drowing ko na naipost ko na dati. Mapanpansing dinagdagan ko ng buhay ang hitsura niya. Simpleng lapis lang naman ang ginamit ko dito. Halos nai-shade ko ng husto ang kanyang balat lalo na ang kanyang pantalon ngunit kung titignan dito'y tila bahagya ang pagkakashade ko sa kanya. Buti na lang at kahit papaano'y kita pa ang mga detalye na idinagdag ko dito. Digicam lang kasi ang gamit ko e! Ano kaya kung scanner ang nagamit ko?